Avropa hərbi qüdrətini artırmağı və özünü silahlandırmağı dayandırsa, sonu faciə ilə bitəcək.
Teleqraf xəbər verir ki, bu sözləri Polşa Baş naziri Donald Tusk sosial media səhifəsində yazıb.
O qeyd edib ki, Avropa dövlətləri heç bir halda militarizasiya tempini dayandırmamalıdır. Avropa yalnız öz gücünə inanmalıdır.
Tusk Aİ üzvlərini mümkün qədər silahlanmağa çağırıb:
"Heç kim zəif və parçalanmış Avropanı ciddiyə almayacaq: nə düşməni, nə də müttəfiqi. Bu, artıq aydındır. Biz silahlanmağa davam etməliyik, əvvəlkindən daha sıx birləşməliyik".
