2026-cı il Dünya Kubokunda iştirak edən İran milli komandası təşkilatçılar tərəfindən tətbiq edilən səyahət və düşərgə məhdudiyyətlərinə görə FIFA-ya rəsmi şikayət etməyə hazırlaşır.
Sherg.az-ın məlumatına görə, İran Futbol Federasiyası bildirib ki, komandanın Belçika ilə oyundan cəmi 24 saat əvvəl Los-Ancelesə daxil olmasına icazə verilməsi hazırlıq prosesinə mənfi təsir göstərib və idman bərabərliyi prinsipinə ziddir.
Federasiyanın açıqlamasına görə, Yeni Zelandiya ilə 2:2 hesabı ilə başa çatan oyundan sonra komandanın şəhərdə qalaraq bərpa məşqi keçirmək istəyinə də icazə verilməyib. Futbolçuların birbaşa düşərgənin yerləşdiyi Meksikanın Tixuana şəhərinə qayıtması tələb olunub.
İran millisinin baş məşqçisi Amir Qalenoei isə bu qərarlara etiraz edərək, komandanın turnirdə ən çox təzyiqə məruz qalan kollektivlərdən biri olduğunu bildirib. Onun sözlərinə görə, komandanın planlamasının kənardan idarə olunması təəssüratı yaranır.
Buna baxmayaraq, İran yığmasının hazırlıqlarını davam etdirdiyi və diqqətini Belçika ilə qarşıdakı oyuna yönəltdiyi qeyd olunur.
