"Qalatasaray" transfer bazarında növbəti səs-küylü keçidini reallaşdırmağa hazırlaşır.
Sherg.az xəbər verir ki, Türkiyə mətbuatının yaydığı məlumata görə, İstanbul təmsilçisi "Real Madrid"in uruqvaylı yarımmüdafiəçisi Federiko Valverdeni icarə əsasında heyətinə qatmaq istəyir.
İddialara əsasən, "Real Madrid"in baş məşqçisi Joze Mourinyo 27 yaşlı futbolçunu yeni mövsümün planlarına daxil etməyib. Bu səbəbdən "Qalatasaray" rəhbərliyi mümkün transferlə bağlı Madrid klubu ilə ilkin təmaslara başlayıb.
Xəbərdə bildirilir ki, Fernando Muslera və Lukas Torreyra da transfer prosesinə qoşularaq həmyerliləri Valverde ilə əlaqə saxlayıb və ona "Qalatasaray"dakı müsbət komanda mühiti barədə məlumat veriblər.
Qeyd edək ki, Federiko Valverdenin "Real Madrid"lə müqaviləsinin müddəti 2029-cu ilin yayına qədər davam edir. Futbolçunun hazırkı bazar dəyəri isə 90 milyon avro olaraq qiymətləndirilir.
