“Mbappe ilə matçdan əvvəl hər şeyi danışırıq, yalnız baxış kifayətdir”
“Real Madrid”in gənc ulduzu Arda Gülər Fransız mətbuatına danışıb. Türkiyənin milli oyunçusu komandadakı yeni rolundan və son iki ildə yaşadıqlarından bəhs edib.
Sherg.az xəbər verir ki, üçüncü mövsümündə “Real Madrid”də oynayan Arda Gülər, bu mövsümdən etibarən komandadakı rolunu tam mənimsəyib. Xabi Alonso dövründə yarımmüdafiəyə yerləşən Arda artıq bir çox oyuna ilk 11-də başlayır və ciddi oyun vaxtı qazanır.
Bu mövsüm 10 rəsmi oyunda 3 qol və 4 assist qeydə alan 20 yaşlı futbolçu, komandadakı yeni rolu və ümumilikdə yaşadıqları barədə Fransanın nüfuzlu jurnallarından “L'Equipe Magazine”ə açıqlama verib.
Arda Gülər bildirib:
“Kristian Ronaldo - Mesut Özil” və “Kylian Mbappe - Arda Gülər” müqayisəsi mənə xoş gəlir. Böyük işlər görüblər, amma əhəmiyyətli uğurlar həmişə komanda ilə əldə olunur, yalnız iki oyunçu ilə deyil. Kylian Mbappénin bacarıqları mənim bacarıqlarımla çox yaxşı tamamlanır. Bir-birimizi çox yaxşı anlayırıq. Bəzən matçlardan əvvəl: “Bu və ya bunu etməliyik” deyirik. Amma elə axşamlar da olur ki, yalnız bir baxış kifayətdir.”
Arda əlavə edib:
““Real Madrid”ə keçəndə artıq dünyanın ən böyük klubunda olduğumu bilirdim. Amma ilk məşqdən etibarən burada oynayacaq keyfiyyətə sahib olduğumu anladım. Burada uğur qazanacağıma heç şübhəm yox idi. Juni Calafat (skautinq üzrə məsul şəxs) mənə planı əvvəldən izah etmişdi. İlk ilin çətin olacağını, çünki “yalnız Türkiyəni tanıyan bir gənc üçün başqa cür ola bilməz” deyirdi. Luka Modriç və Toni Kroos kimi isimlərin yanında olmaq üçün buraya gəldiyim də əlavə edildi. Hər şey açıq və səmimi idi.”
Reportajda yaxın dostlarından biri də Arda Gülər haqqında danışıb:
“Əvvəllər zarafatlaşanda, güləş kimi mübarizə aparanda həmişə qalib gələcəyimi bilirdim. Amma bu gün eyni şeyi sınamağa cəsarət etmirəm. Arda təxminən 8 kilo əzələ kütləsi qazanıb. Bu da ona ikili mübarizələrdə daha dözümlü olmağa, hər şeyi daha sürətli etməyə və ilk 11-də yer tutmağa imkan verdi.”
Turan
