Hərbi qulluqçular üçün bayram süfrələri təşkil olunub
Qurban bayramı münasibətilə Şuşa şəhərində Azərbaycan Ordusunun hərbi qulluqçularının iştirakı ilə təntənəli tədbir keçirilib.
Müdafiə Nazirliyindən Sherg.az-a bildirilib ki, əvvəlcə xalqımızın ümummilli lideri Heydər Əliyevin, birinci Qarabağ və Vətən müharibəsində şəhid olanların əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni ifa olunub.
![](https://sherg.az/uploads/editor/c9fa7e29822d556c21efad55c0b895db.jpg)
Bayram tədbirində çıxış edən komandir heyəti hərbi qulluqçulara bayramı münasibətilə Ali Baş Komandanın və Müdafiə nazirinin təbriklərinin çatdırıb, onların sosial-məişət şəraitinin daha da yaxşılaşdırılması istiqamətində görülən tədbirlərin dövlətimizin diqqət və qayğısı sayəsində daim davam etdirildiyini vurğulayıblar.
![](https://sherg.az/uploads/editor/03b6ff78b67338ef11b9ef939658749c.jpg)
![](https://sherg.az/uploads/editor/3bcb6fa709b4fd4dd7bf2ba50d31576e.jpg)
Hərbi qulluqçuların iştirakı ilə keçirilən tədbirdə qurbanlar kəsilib, onlar üçün bayram süfrələri təşkil olunub.
Bayram mərasimi şəxsi heytin şəhərdə təntənəli keçidi ilə sona çatıb.