Fransa və bəzi digər ölkələr bu məsələdə bütün Avropa dövlətləri arasında konsensus olmasa belə, öz sülhməramlı qoşunlarını Ukraynaya göndərə bilərlər. Lakin bu cür hərbi qulluqçuların aydın səlahiyyətləri olmalıdır.
Axar.az xəbər verir ki, bu barədə Fransanın Strateji Araşdırmalar Fondunun direktor müavini Bruno Tertre deyib.
“Şübhə etmirəm ki, hipotetik atəşkəs razılaşması ilə müəyyən Avropa ölkələri, məsələn, Fransa öz silahlı qüvvələrini göndərə bilərdi.
Qoşun göndərmək üçün Avropada konsensusa ehtiyacımız yoxdur. Nə qədər ki, bu, NATO və ya AB missiyası deyil, bizim konsensusa ehtiyacımız yoxdur. Az sayda Avropa ölkəsi də iştirak edə bilər”, - Tertre qeyd edib.
Tertre əlavə edib ki, əsas suallar məhz Avropa qoşunlarının Ukraynaya niyə göndəriləcəyi, onların nə edəcəyi və beynəlxalq mandata sahib olub-olmayacağıdır.
