İslamofobiya meyilləri son yüz ildə xüsusilə güclənib.
“Report” xəbər verir ki, bu barədə Cənubi Afrika Respublikasının ABŞ-dəkı sabiq səfiri və Hamı üçün Sülh Fondunun təsisçisi Ebrahim Rasul Bakıda “Müxtəlifliyin qorunması: 2024-cü ildə islamofobiya ilə mübarizə” mövzusunda keçirilən beynəlxalq elmi konfransın “Tolerantlığı, sülhü, insan hüquqlarına və dini müxtəlifliyə hörməti təşviq etmək üçün qlobal dialoqa çağırış” plenar iclasında deyib.
“Ötən əsrdə biz irqçilik, islamofobiya, ksenofobiya kimi hadisələrin artdığını müşahidə etdik. Qeyd etmək lazımdır ki, bu hadisələr bir-biri ilə ayrılmaz olaraq əlaqədardır. Onlardan biri ilə mübarizə aparsanız, digərinə qalib gələ bilərsiniz”, - o vurğulayıb.
E.Rasul belə mühüm tədbirin təşkilinə görə Azərbaycan hökumətinə də təşəkkürünü bildirib.
