Almaniyanın sabiq kansleri Gerhard Şröder Moskvaya səfər edib. Bu barədə NTV telekanalı məlumat yayıb.
Sherg.az xəbər verir ki, Şröder hazırda Rusiyanın paytaxtında yerləşən Kempinski otelində görülüb. Ehtimal edilir ki, o, 3–6 iyun tarixlərində keçiriləcək Saint Petersburg International Economic Forum tədbirində iştirak etmək üçün Rusiyaya gəlib.
NTV-nin məlumatında deyilir ki, telekanalın müxbiri Rayner Muntz Şröderi oteldə müşahidə edib.
Xatırladaq ki, Rusiya Prezidenti Vladimir Putin daha əvvəl Rusiya ilə Avropa arasında mümkün danışıqlarda həmsöhbət kimi şəxsən Gerhard Şröderi üstün tutduğunu bildirmişdi. Putin qeyd etmişdi ki, danışıqlar üçün etibar edilən liderin seçilməsi avropalıların öz qərarı olmalıdır. Onun sözlərinə görə, Rusiya ilə dialoqdan imtina təşəbbüsü Moskvadan deyil, Avropadan gəlib.
