ABŞ Prezidenti Donald Tramp bildirib ki, Amerika hərbçiləri İrana, o cümlədən onun neft tankerlərinə daha çox zərbə endirəcəklər.
"Report" xəbər verir ki, bu barədə Tramp Vaşinqton yaxınlığındakı "Endryus" hərbi bazasında jurnalistlərə bildirib.
"Hücumları biz həyata keçiririk", - Amerika lideri bildirib və əlavə edib ki, ABŞ artıq İranın doqquza yaxın tankerini məhv edib. "Və siz daha çoxunu görəcəksiniz", - Tramp təfərrüatları açıqlamadan bəyan edib.
Daha əvvəl Pentaqonun rəhbəri Pit Heqset bildirmişdi ki, İran regiondakı Amerika hərbi gəmilərinə hücum edəcəyi təqdirdə, ABŞ Silahlı Qüvvələri İran tankerlərinə zərbələr endirəcək. O həmçinin İranın neftdaşıyan donanmasının əhəmiyyətli hissəsinin məhv olunması ehtimalı barədə xəbərdarlıq edib.
