ABŞ Prezidenti Donald Tramp İranla müharibəni başa çatdırdıqdan sonra neft qiymətlərinin kəskin şəkildə aşağı düşəcəyini bildirib.
Sherg.az xəbər verir ki, Tramp bu barədə “Truth” sosial şəbəkə hesabında İranla bağlı gərginlik və artan neft qiymətləri ilə bağlı açıqlamasında bildirib.
Onun sözlərinə görə, İranla müharibə başa çatdıqdan sonra neftin qiyməti əvvəlcə bir qallon üçün 3 dollara, daha sonra isə 2 dollardan aşağı düşəcək.
Tramp həmçinin bütün bunların sürətlə baş verəcəyini və İranın heç vaxt nüvə silahına sahib olmayacağını deyib.
Bununla yanaşı, İranın ABŞ-ın mümkün yeni hücumlarına cavab verəcəyi ilə bağlı xəbərdarlığından sonra Yaxın Şərqdə uzunmüddətli münaqişə və neft tədarükünün pozulması ilə bağlı narahatlıqlar artıb. Bu səbəbdən neft qiymətlərində yüksəliş davam edir.
