Qax rayonunun Əmircan kəndində ümumi sahəsi 392 m² olan ikimərtəbəli (hər mərtəbəsi 196 m²) evin 2-ci mərtəbəsinin yanar konstruksiyaları və ev əşyaları 8 m² sahədə, dam örtüyü 196 m² sahədə yanıb.
Bu barədə "Report" Fövqəladə Hallar Nazirliyinə (FHN) istinadən xəbər verir.
Qeyd olunub ki, evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan başqa Bakı şəhərinin Sabunçu rayonunda ümumi sahəsi 100 m² olan birmərtəbəli evin yanar konstruksiyaları 40 m² sahədə və dam örtüyü yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.