Saatlıda piyadanın vurulması ilə nəticələnən yol qəzası baş verib.
APA-nın Mil-Muğan bürosunun verdiyi məlumata görə, hadisə Saatlı rayonunda qeydə alınıb.
"Shacman" markalı yük avtomobili yolu keçən Beyləqan rayonunun Gödəklər kənd sakini, 1975-ci il təvəllüdlü Nəcəfov Laçın Nəcəf oğlunu vuraraq ağır xəsarətlər yetirib.
Yaralı çoxsaylı sınıq xəsarətləri ilə Şirvan xəstəxanasına yerləşdirilib.
Faktla bağlı araşdırma aparılır.