MMA döyüşçüsü Kristian Lubenqa debüt döyüşündə nokautla məğlub olduqdan sonra xəstəxanada ölüb.
27 yaşlı döyüşçü martın 12-də ABŞ-ın Massaçusets ştatının Sprinqfild şəhərində AMMO Döyüş Liqasının himayəsi altında həvəskarlar arasında keçirilən turnirdə iştirak edib. Lubenqa üçüncü raundda rəqibi Kodi Makkraken tərəfindən nokauta salınıb, sonra isə xəstəxanaya göndərilib.
Lubenqa döyüşdən iki gün sonra vəfat edib. İdmançının ölüm səbəbi məlum deyil. Ailəsi meyitin yarılma nəticələrini gözləyir.
Konqo əsilli idmançı Braziliyada ciu-citsu, tay boks və kapoeyra ilə məşğul olub. İdmançının məşq yoldaşları Lubenqanın “Ultimate Fighting Championship” (UFC) çempionatında oynamaq arzusunda olduğunu deyiblər.
Mənbə: MMA News