Xaçmazda tüfənglə həmyerlisinə xəsarət yetirən şəxs saxlanılıb.
Daxili İşlər Nazirliyinin (DİN) Mətbuat Xidmətinin Quba regional qrupundan Oxu.Az-a verilən məlumata görə, avqustun 29-da səhər saat 8 radələrində Xaçmaz sakini Seyidağa Əhmədovun odlu silahdan açılan atəş nəticəsində xəsarət alması barədə Rayon Polis Şöbəsinə məlumat daxil olub.
İlkin araşdırma zamanı adıçəkilən şəxsə rayon sakini Raqif Manafov tərəfindən ov tüfəngi ilə xəsarət yetirildiyi müəyyən edilib.
R.Manafov polis əməkdaşları tərəfindən saxlanılıb və ondan cinayətdə istifadə etdiyi ov tüfəngi götürülüb.
Faktla bağlı Cinayət Məcəlləsinin müvafiq maddəsi ilə cinayət işi başlanılıb.
11:04
Xaçmazda 67 yaşlı güllələnib.
APA-nın şimal bürosunun verdiyi məlumata görə, yaralı 1956-cı il təvəllüdlü Seyidağa Əhmədov Xaçmaz Rayon Mərkəzi Xəstəxanasına yerləşdirilib.
Yaxınlarının verdiyi məlumata görə, o tanıdığı şəxs tərəfindən vurulub.
Faktla bağlı araşdırmalar davam etdirilir.