Okeanların ən uzun balıq növlərindən biri olan və zəlzələlərin xəbərçisi sayılan kürək balığı, Tasmanyanın Strahan bölgəsinə yaxın okean sahilində tapılıb.
Sherg.az xəbər verir ki, təxminən üç metr uzunluğundakı “qiyamət balığı”, yerli sakin Sybil Robertson tərəfindən sahildə gəzinti zamanı müşahidə olunub.
"The Guardian" qəzetinin xəbərinə görə, Robertson bu nadir canlı ilə qarşılaşdıqda onun kürək balığı olduğunu bilməyib və şəkilini Tasmaniya Vətəndaş Elmçilərinin sosial media hesabında paylaşdıqdan sonra öyrənib.
Uzunluğu 8 metrə, çəkisi isə 400 kiloqrama qədər çata bilən bu dərin okean canlısı “rinqa balıqlarının kralı” adlandırılır və təhlükənin xəbərçisi kimi tanınır. O, təxminən 150-500 metr dərinlikdə yaşayır və çox nadir hallarda görünür.
Tasmaniya Universitetinin dəniz ekologiyası üzrə mütəxəssisi Neville Barrett bu barədə belə danışıb:
“Belə bir canlı ilə qarşılaşmaq olduqca qeyri-adidir. Biz sadəcə orada olmuruq, suya baxmırıq, dalmırıq, hətta okeanın o hissəsində balıq da tutmuruq.”
Barrett əlavə edib:
“Kürək balığı çox az əzələyə sahib, yavaş hərəkət edən və tənbəl bir balıqdır. Adətən suda sakit şəkildə üzür, çox vaxt dik vəziyyətdə olur və planktonla qidalanır.”
Qədim Yapon inanclarına görə, kürək balığı “qiyamət balığı” adlandırılır. Çünki onun səthə yaxın görünməsi təbii fəlakətlərin, xüsusilə də zəlzələlərin yaxınlaşdığına işarə sayılır.
Bəzi hallarda, xüsusilə Yaponiyada baş verən böyük zəlzələlərdən əvvəl, kürək balıqlarının özünü sahilə vurduğu bildirilib. Bu isə, balığın su altındakı seysmik aktivliyi hiss edərək insanların diqqətini çəkmək üçün səthə çıxdığı ehtimalını gündəmə gətirib.
