ABŞ Prezidenti Donald Trampın oğlu Erik Tramp gələcəkdə ABŞ prezidentliyinə namizəd ola biləcəyini istisna etməyib, lakin bu barədə hələ qəti cavab verməyə hazır olmadığını bildirib.
Teleqraf xəbər verir ki, bu barədə o, Yaponiya "Nikkei Asia" nəşrinə açıqlamasında deyib.
“Xeyr demirəm, amma bəli də demirəm”, - Erik Tramp prezidentliyə namizədliklə bağlı suala belə cavab verib.
Nəşr qeyd edir ki, o, dövlət başçısı olmaq imkanını istisna etməsə də, hazırda məşğul olduğu ticarət sahəsində fəaliyyətini bəyənir.
Qeyd edək ki, Erik Tramp Donal Tramp və İvana Trampın üçüncü uşağıdır. O, "The Trump Organization" şirkətində inkişaf və satınalmalar üzrə icraçı vitse-prezident vəzifəsini tutur, burada qardaşı Donald Tramp Jr. və bacısı İvanka Tramp ilə birgə çalışır. Bundan əlavə, Erik Tramp "Trump Winery" şərabçılıq şirkətinin sahibidir.
