Avstriyalı paraşütçü və ekstremal Feliks Baumqartner Adriatik dənizi sahillərində paraplanla uçuş zamanı baş verən qəza nəticəsində ölüb.
Teleqraf xəbər verir ki, bu barədə Avstriyanın “Kurier” nəşri məlumat yayıb.
Məlumata görə, Baumqartner səhhətinin qəfil pisləşməsi səbəbindən motorlu paraplanın idarəetməsini itirib və hotel kompleksinin hovuzuna düşüb. Qəza nəticəsində zədələnən hotel işçisi boyun xəsarətləri ilə xəstəxanaya yerləşdirilib.
Qeyd edək ki, Feliks Baumqartner 2012-ci ildə təxminən 39 kilometr yüksəklikdən tullanmaqla məşhurlaşıb. Canlı yayımlanmış bu tullanış Ginnesin Rekordlar Kitabına daxil edilib. Bu cəsarətli addım onu dünyanın ən məşhur paraşütçülərindən birinə çevirib. Feliks Baumqartner 56 yaşında vəfat edib.
