Bakıda baş vermiş qəza anı kameraya düşüb.
Avtosfer.az xəbər verir ki, gecə saatlarında əks istiqamətdə yüksək sürətlə hərəkətdə olan “Toyota Prado” markalı avtomobilin sürücünün başı mobil telefona qarışdığı üçün qarşıdan gələn avtobusu görmür. Nəticədə dəhşətli qəza hadisəsi baş verir.
Bakı Şəhər Dövlət Yol Polisi İdarəsinin şöbə rəisi, polis polkovniki Vaqif Əsədov Avtosfer.az-a bildirib ki, son vaxtlar qəzaların 70 faizi sürücü diqqətsizliyindən baş verir:
“Sürücülərə tövsiyə edirik ki, sükan arxasında maksimum dərəcədə diqqətli olsunlar. Mobil telefondan istifadə etməsinlər. Eyni zamanda, sərnişinlər də müxtəlif vasitələrlə sürücünün diqqətini yayındırmasınlar. Bütün bunlar ilk növbədə siz sürücülərin və sərnişinlərin həyatı üçün təhlükəlidir”.
