Bakıda bir nəfərin xəsarət alması ilə nəticələnən yanğın baş verib.
APA-nın Fövqəladə Hallar Nazirliyinə istinadən məlumatına görə, yanğın Binəqədi rayonunda qeydə alınıb. Belə ki, beşmərtəbəli yaşayış binasının beşinci mərtəbəsində ümumi sahəsi 44 m² olan 2 otaqlı mənzilin eyvanının yanar konstruksiyaları 8 m² sahədə yanıb.
Yüksək temperaturdan 1 ədəd kondisioner əriyib. Yanğın zamanı 1 nəfər yanıq xəsarəti alıb.
Mənzilin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
