Qusar rayonunun Piral kəndində ikinci sinif şagirdi (oğlan) cinsi zorakılığa məruz qalıb.
Teleqraf-ın əldə etdiyi xəbərə görə, hadisə bu il may ayının 8-də yaşayış məntəqəsindən bir qədər aralıda baş verib.
İddialara görə, həmin gün dərs vaxtı XI sinif şagirdi Qoşqar Vahabov (ad-soyad şərtidir) II sinif şagirdini kənddən aralı əraziyə - çay yatağına aparıb və orada azyaşlıya təcavüz edib.
Hadisədən ilk xəbər tutan II sinif şagirdinin anası olub.
Polis elə həmin gün gecə saatlarında on birinci sinif şagirdini saxlayıb, lakin sonra sərbəst buraxılıb.
Məsələ ilə bağlı Quba-Xaçmaz Regional Təhsil İdarəsindən sorğumuza cavab olaraq bildirilib ki, hadisə barədə araşdırma aparılır.
"Səsləndirilən iddia ilə bağlı hüquq-mühafizə orqanları tərəfindən araşdırma aparılır. Araşdırmanın nəticələri ictimaiyyətə təqdim ediləcək", - idarədən qeyd olunub.
Məktəb direktoru iddialarla bağlı sualı cavablandırmaqdan imtina edib.
Teleqraf-ın əldə etdiyi xəbərə görə, iddialarla bağlı hazırda polis tərəfindən araşdırma aparılır, araşdırmalarla iddiaların həqiqətə uyğun olub-olmamasından asılı olaraq hüquqi qiymət veriləcək.
