Mövsümün vaxtından əvvəl başa çatacağı halda İngiltərə Premyer Liqasının heç də bütün komandaları “Liverpul”u çempion kimi tanımağa hazırlaşmır.
Bu barədə “The Telegraph” məlumat yayıb.
Nəşrə yaxın mənbə bildirib ki, komandaların böyük əksəriyyəti Yurgen Kloppun yetirmələrinin çempion olmasına razılaşır, yalnız iki klub – “Tottenhem” və “Vest Hem” mövsümün etibarsız elan edilməsi üçün təkid edir.
Xatırladaq ki, martın 13-də İngiltərə Premyer Liqası qarşılaşmalarının keçirilməsinin koronavirus pandemiyasına görə dayandırılması qərara alınıb.
