Estoniyanın paytaxtı Tallində U-21, yeniyetmə və uşaqlar (kiçik yeniyetmələr) arasında taekvondo üzrə Avropa çempionatı keçiriləcək.
Oxu.Az-ın xəbərinə görə, yarışda iştirak edəcək uşaq taekvondoçulardan Sabir Məmmədli (-27 kq) və Coşqun Məmmədzadə (-30 kq) “Ümid” taekvondo klubunu, Çingiz Həsənov (-36 kq) isə “Əli-Mehdi” klubunu təmsil edəcək. Hər üç idmançı baş məşqçi İlkin Şahbazovun rəhbərliyi ilə yarışa qatılıb.
Yeniyetmə milimizin baş məşqçisi Səbuhi Zülfüqarov və böyük məşqçisi Sənan Həşimov yetirmələrindən İlyas Hətəmli (-33 kq), Məhəmməd Həsənli (-37 kq), Harun Salamzadə (-41 kq), Vasif Səlimov (-45 kq), Bahadur Dostuyev (-49 kq), İslam Əhmədzadə (-53 kq), Hüseyn Xudiyev (-65 kq), Zəhra İsayeva (-29 kq), Xuraman Cavadzadə (-33 kq), Fatimə İsmayılzadə (-37 kq), Şəms Əlizadə (-44 kq), Nərgiz Kazımova (-47 kq), Aişə Ağamirzəzadəyə (-51 kq) şans verəcək.
U-21 millimizin baş məşqçisi Ələkbər İmaməliyev və qızların baş məşqçisi Rəşad Məmmədovun rəhbərliyi ilə oğlanlardan Bəhruz Quluzadə və Səyyad Dadaşov (hər ikisi -54 kq), Pərviz İsgəndərov (-58 kq), Xanoğlan Kərimov (-63 kq), Cavad Ağayev və Yaşar Məmmədli (hər ikisi -68 kq), Eltac Qafarov (-80 kq), Taleh Süleymanov (-87 kq), qızlardan isə Minayə Əkbərova (-46 kq), Aysel Xudaverdiyeva (-53 kq) medallar uğrunda mübarizə aparacaq.
Qeyd edək ki, idmançılarımız 24-27 avqust tarixlərində yarışacaq.
