Tokio Yay Paralimpiya Oyunlarında Azərbaycana ilk medalı qazandıran Pərvin Məmmədov fikirlərini bildirib.
Oxu.Az-ın xəbərinə görə, 49 kq çəki dərəcəsində pauerliftinqdə bürünc medalı boynundan asan Pərvin Məmmədov sanki yuxuda olduğunu söyləyib:
“Bu gün ilk medalı Azərbaycana qazandırdım. Bunun üçün çox şadam. Sevincimin həddi-hüdudu yoxdur. Medal qazandığıma inana bilmirəm. Bu mənə bir yuxu kimi gəlir. Çox sevinirəm ki, Tokioda bayrağımızı qaldıra bildim. Məşqçimizlə əziyyət çəkdik. Şükür Allaha, əziyyətimiz yerdə qalmadı”.
Qeyd edək ki, pauerliftinqdə növbəti günlərdə daha üç idmançımız mübarizə aparacaq. 29 avqustda Nurlan Babacanov (-97 kq), 30 avqustda Elşən Hüseynov (-107 kq) və Şamo Aslanov (+107 kq) mübarizəyə qoşulacaq.
