Onlayn qəzet

Digər kateqoriyalar

“Azərbaycanın iqtisadi nəticələri kifayət qədər müsbətdir” - Deputat

Fidan Həmişəyeva 12:51 01.08.2019 İqtisadiyyat 598
Dünən Prezident İlham Əliyevin başçılığı ilə sosial-iqtisadi sahəni əhatə edən müşavirə keçirilib. Müşavirədə cənab prezident bildirib ki, ölkəmizdə biznes mühitinin yaxşılaşdırılması istiqamətində çox ciddi addımlar atılıb.

Azərbaycan Prezidenti qeyd edib ki, Dünya Bankının “Doing Business” proqramı çərçivəsində Azərbaycan 10 ən islahatçı ölkə kimi tanınır: “Biz 32 pillə irəliləmişik və hazırda 25-ci yerdəyik. Əlbəttə ki, bu, Azərbaycana investisiyaların cəlb edilməsi üçün müsbət rol oynayır və oynayacaq. Bütün aparıcı beynəlxalq maliyyə qurumları bu sahədəki fəaliyyətimizi yüksək qiymətləndirir.
O ki qaldı, infrastruktur layihələrinə, əlbəttə, bir çox layihələr icra edilib, o cümlədən sosial infrastrukturla bağlı və bu il də icra ediləcək. Onlarla məktəb tikiləcək, 10 şəhərdə mərkəzi xəstəxana yenidən tikiləcək, yaxud da ki, əsaslı təmir olunub istifadəyə veriləcək. Olimpiya kompleksləri - 3 Olimpiya Kompleksinin açılışı nəzərdə tutulur, biri artıq açılıb. Digər sosial infrastruktur layihələrinin icrası ilə bağlı konkret proqramlar, planlar var və bunlar bizim Dövlət İnvestisiya Proqramında öz əksini tapır”.
Məsələyə münasibət bildirən , siyasi elmlər doktoru, millət vəkili Elman Nəsirov da "Sherg.az"a bildirdi ki, son 6 ay ərzində iqtisadiyyatımız öz inkişafının qoruyub-saxlayır. Həmçinin qarşıya qoyulan məqsədlərin həyata keçməsi istiqmaətində ciddi addımlar atılıb:
“Ümumilikdə, ölkəmizin iqtisadi nəticələri kifayət qədər müsbətdir. Ölkə başçısı müşavirədə bildirdi ki, iqtisadiyyatımızda 2.4 faiz artım olub. Təbii ki, bizim üçün ən mühüm sahə qeyri-neft sektorunun inkişafıdır. Bu sahədə 3.2  faiz artım var. Əlbəttə, ölkəmizdə sənayeləşmə siyasətinə də böyük önəm verilir. Xüsusilə qeyri-neft sənayeninin inkişafı prioritet sahələrdən biridir.
İqtisadiyyatımızın şaxələndirilməsi və ixrac yönümlü iqtisadiyyatın formalaşdırılması əsas hədəflər sırasındadır. Ona görə də kənd təsərrüfatının inkişafına böyük önəm verilir. Məhz bu sahədə son aylarda 13 faizlik artım qeydə alınıb. Xüsusilə bitkiçilik sahəsində 25 faiz artım olub. Ölkəmizdə aparılan iqtisadi islahatlar sayəsində valyuta ehtiyatlarımız kifayət qədər möhkəmlənib və 49 milyard dollar səviyyəsinə gəlib çatıb. Bu, olduqca böyük nəticədir. 
Cənab Prezident əsas hədəf kimi əhalinin sosial rifahının daha da yaxşılaşdırılmasını vurğuladı. Bu sahədə müxtəlif islahatlar həyata keçirilir. Həmin islahatlar 4 milyondan artıq insanı əhatə edib. Əmək haqları, pensiyalar, təqaüdlər, müavinətlər artıb. Şübhəsiz ki, bunlar da vətəndaşın məmnunluq səviyyəsini möhkəmlədib”.
Ölkə başçısı qeyd etdi ki, aparılan siyasətə sadiq qalaraq xüsusilə biznes mühitinin yaxşılaşması istiqamətində addımlara imza atacağıq. Ölkəmiz biznes mühitinin yaxşılaşması səviyyəsinə görə, dünya iqtisadi formunun hesabatında yüksək qiymətləndirilir. Bütün bunlar onu göstərir ki, siyasətimiz düşünülümüş və məqsədyünlüdür”. 

Yazarın bütün yazılarına bax

Oxşar xəbərlər

Alüminiumun qiyməti 2022-ci ildən bəri ilk dəfə 3 400 dolları keçib
Alüminiumun qiyməti 2022-ci ildən bəri ilk dəfə 3 400 dolları keçib
00:40 05.03.2026
Fürsətçi "İşbazlar" məhsulların qiymətini artıracaqlar - EKSPERT
Fürsətçi "İşbazlar" məhsulların qiymətini artıracaqlar - EKSPERT
16:55 04.03.2026
Müharibə iqtisadiyyatı başlayır, dünya silkələnəcək - İlham Şaban
Müharibə iqtisadiyyatı başlayır, dünya silkələnəcək - İlham Şaban
12:57 04.03.2026
Bu ay bayramlarla əlaqədar pensiya, müavinət və təqaüdlər qrafikdən əvvəl ödənəcək
Bu ay bayramlarla əlaqədar pensiya, müavinət və təqaüdlər qrafikdən əvvəl ödənəcək
11:50 04.03.2026
İran hadisələri neft və qızılı rekord həddə yüksəldir - RƏYLƏR
İran hadisələri neft və qızılı rekord həddə yüksəldir - RƏYLƏR
16:18 02.03.2026
Avropada təbii qazın qiyməti 19%-dən çox artıb
Avropada təbii qazın qiyməti 19%-dən çox artıb
11:39 02.03.2026

Xəbər lenti

Hamısına bax