İyunun 10-12-də Bakı Ekspo Mərkəzində II Türkdilli Dövlətlərin Ticarət və İnvestisiya Əməkdaşlıq Forumu və Sərgisi keçiriləcək.
Bakupost.az xəbər verir ki, Türk Ticarət Sərgisi Türk dövlətlərinin - Azərbaycan, Qazaxıstan, Qırğızıstan, Türkiyə, Özbəkistan, Macarıstan, Türkmənistan, Şimali Kipr Türk Respublikası arasında sənaye, sərmayə, texnologiya və xidmətləri artırmaq və dünyanın digər bölgələrinə də bu xidmətlərin satışını asanlaşdırmaq məqsədi daşıyan ticarət forumudur.
Yarmarka zamanı 20-dən çox istiqamət üzrə məhsul qrupları və yeni texnologiyalar sərgilənəcək.
Ölkələrin investisiya imkanları, mühüm sektorlar, iş adamlarının problemləri, onların həlli ilə bağlı təkliflər və digər aktual mövzularda ekspertlərin iştirak etdiyi konfranslar keçiriləcək. İkitərəfli görüşlər və françayzinq müqavilələri ilə ortaqlıqlar qurulacaq.
Qeyd edək ki, Türkdilli Dövlətlərin Ticarət və İnvestisiya Əməkdaşlıq Forumu və Sərgisi (Türk Ticarət Sərgisi) ilk dəfə ötən ilin noyabrında İstanbul Sərgi Mərkəzində keçirilib.
