Bursada qara əncirin yığımı və ixracına başlanılıb. Dünya üzrə yalnız Bursanın 30 kəndində yetişən və İngiltərə hersoginyası Keyt Middletonun adı ilə də “Kraliça ənciri” olaraq bilinən, onun hamiləlik dövründə ürək bulanması ilə mübarizədə istifadə etdiyi qara əncirin kiloqramı 150-200 lirəyə satılır. “Dünyanın ən keyfiyyətli ənciri” olaraq xarakterizə edilən Bursa qara ənciri özünəməxsus ləzzəti, dolğun görünüşü və ətri ilə Avropa ölkələrinin böyük marağına səbəb olub.
Keçən il onlar 32 ölkəyə göndərilib. Bir çox meyvələr kimi Bursa qara ənciri də bu ilin aprel ayında şaxtadan zərər görüb. Bəzi ərazilərdə məhsuldarlıq azalıb, keyfiyyət pisləşib. Fermerlər Bursanın Osmanqazi, Gəmlik, Mudanya və Nilüfer rayonlarının 30 kəndində istehsal edilən Bursanın bənzərsiz qara əncirini ixrac üçün yığmağa başlayıb. Osmanqazi Kənd Təsərrüfatı Palatasının sədri İsmail Altınkaya bu il bəzi bölgələrin şaxtaya görə məhsul itkisi yaşadığını, lakin şaxtadan təsirlənməyən ərazilərdə məhsuldarlığın yaxşı olduğunu qeyd edib. Mövsümün tez bitəcəyi ilə bağlı gözləntilərini dilə gətirən Altınkaya, "Hazırda bazar yaxşıdır; məhsul da yaxşıdır. Bu qədər gözləmirdik. Bir ara qiyməti 190-200 lirəyə qədər idi, amma 150 lirəyə düşdü" deyib. Əgər bu rəqəmdən aşağı düşməsə, yaxşıdır, fermerlərin gözləntilərini doğruldacaq”.
