Tarixin ən maraqlı kəşfləri bəzən böyük araşdırmalar nəticəsində deyil, təsadüfən üzə çıxır. Avstraliyanın qərb sahilində tapılan köhnə şüşə bunun ən diqqətçəkən nümunələrindən biridir.
Sherg.az xəbər verir ki, 2018-ci ildə Tonya Illman ailəsi ilə sahildə gəzərkən qumun içində köhnə bir şüşə tapıb. Şüşənin içindən çıxan 12 iyun 1886-cı il tarixli mesaj alimləri heyrətləndirib.
Araşdırma nəticəsində məlum olub ki, bu şüşə Alman Dəniz Rəsədxanasının okean cərəyanlarını öyrənmək üçün həyata keçirdiyi elmi təcrübənin bir hissəsi olub. Mesajda gəminin adı, koordinatlar, kapitanın adı və səfər marşrutu qeyd edilib.
Alman arxivlərində aparılan araşdırmalar şüşənin həqiqətən "Paula" adlı gəmidən 1886-cı ildə dənizə atıldığını təsdiqləyib. Şüşənin içindəki sənəd və özü yaxşı qorunduğu üçün tapıntı unikal hesab olunub.
132 il sonra tapılan bu şüşə mesajı Ginnesin Rekordlar Kitabına dünyanın təsdiqlənmiş ən qədim şüşə içindəki mesajı kimi daxil edilib.
