Çexiyalı diş həkimi, 28 yaşlı Barbora Kropackova sinə böyütmə əməliyyatından sonra saçlarını, qaşlarını və kipriklərini itirib. Bu vəziyyətin səbəbinin sinəsinə qoyulan silikon implantlar olduğunu iddia edən gənc qadın əməliyyatdan 4 həftə sonra güzgü qarşısında göz yaşları tökməyə başlayıb.
“Sherg.az” “NTV.com.tr”yə istinadən bildirir ki, döşlərini daha dolğun göstərmək üçün bıçağın altına girən Barbora Kropackova əməliyyatdan dərhal sonra saçlarının seyrəldiyini fərq edib. Silikon implantların alopesiya universalis adlı otoimmün xəstəliyi tətiklədiyini ifadə edən gənc diş həkimi əməliyyatdan sonra özünə inamı daha da itirib. Yaşadığı çətin prosesi izah edən Kropackova duş qəbul edərkən saçlarının ovuc-ovuc tökülərək ayaqlarının altına düşdüyünü görüb. Silikon implantların təsiredici faktor olduğunu ifadə edən Barbora Kropackova, "əməliyyatdan sonra səhhətimdə başqa problemlər də yarandı. Gözüm səyriməyə başladı. Əzələ və oynaq ağrılarım artdı" deyib. Çətin bir mərhələni adladıqdan sonra görünüşü ilə artıq barışdığını bildirən gənc qadın əvvəllər istifadə etdiyi parikdən də imtina edib. Saçlarının tamamilə qırxdıraraq daz başla görünməyə üstünlük verib. Döş implantlarından xilas olduğunu açıqlayan Barbora Kropackova, “sinənizin necə göründüyü o qədər də önəmli deyil. Əgər partnyorunuz sizin görünüşünüzdən razı deyilsə, ona deyin ki, istəyir öz döşlərini düzəltsin, sizinlə işi olmasın”, söyləyərək qadınlara tövsiyə verib.
