Böyük Britaniyada minlərlə insan səhər tezdən qədim Stounhenc abidəsinin ətrafında toplaşaraq ''qış günəş'' dövrünü (winter solstice) qeyd edib. Onlar özlərini qədim Kelt kahinlərinin ənənələrinin davamçıları hesab edən müasir druidlər və bütpərəstlərdir.
Sherg.az xəbər verir ki, mərasim ilin ən uzun gecəsindən sonra günlərin uzanmağa başladığı anı simvolizə edir. Bu, yeni günəş dövrünün başlanğıcı kimi qəbul olunur.
Tədbir zamanı iştirakçılar daşların arasında rəqs edib, müxtəlif ayinlər icra edərək günəşin yenidən güclənməsini qarşılayıblar. Onlar üçün bu mərasim işığın qaranlığa qalib gəlməsinin, təbiətin yenilənməsinin və ümidin rəmzidir.
