PKK terror təşkilatının qanadı SDQ/YPG Suriya ordusuna inteqrasiya etməlidir.
Teleqraf xəbər verir ki, bunu NATO xarici işlər nazirlərinin Antalyada başa çatan qeyri-rəsmi sammitindən sonra Türkiyə xarici işlər naziri Hakan Fidan jurnalistlərə deyib.
“Ortada (PKK-nın ləğv edilməsi ilə bağlı) bir bəyanat var, amma biz bu vədlərin yerinə yetirilməsini gözləyirik. Həmçinin ortada (SDQ ilə Dəməşq arasında) 8 maddəlik razılaşma çərçivəsində atılmalı olan addımlar var. YPG-nin hərbi strukturunun ləğvini və onların Suriyada yeni yaradılmış milli orduya inteqrasiyasını gözləyirik.
YPG-nin bu günə qədər heç bir addım atmadığını görürük. Açığı, bu addımların praktiki olaraq həyata keçiriləcəyini gözləyirik. Suriyada sabitliyin əldə olunması üçün Suriyada vahid silahlı qüvvənin olması lazımdır. Suriyadakı prosesləri bu prinsiplər çərçivəsində izləməyə davam edirik”, - nazir bildirib.
