Qarabağa səfərimiz zamanı çoxlu dağıntılar gördük, eyni zamanda irimiqyaslı bərpa işlərinin də şahidi olduq.
Bu sözləri "Report"a ABŞ-dan olan səyyah Dayana Peçenik (Diane Pechenick) deyib.
“Bu, Azərbaycana ikinci, Qarabağa isə ilk səfərimdir. Bura çox gözəl yerdir, mən bura yenidən gələrdim” – o bildirib.
Səyyahın sözlərinə görə, işğaldan azad edilmiş ərazilərdə bərpa işləri sürətlə davam edir.
“Bərpa işləri davam etsə də, hesab edirəm ki, siz həqiqətən belə qısa müddət ərzində böyük uğur əldə etmisiniz”, - Peçenik qeyd edib.
Azərbaycanın işğaldan azad edilmiş ərazilərində davam edən mina təhlükəsindən danışan səyyah bunun böyük problem olduğunu qeyd edib: “Bu, faciəvi vəziyyətdir, minalardan təmizləmə prosesi onilliklərlə davam edə bilər”.
