“İran təkcə bir qrupa yox, həm də türklər, kürdlər, lorlar, bəluclar, ərəblər və burada yaşayan digər xalqlara məxsusdur”.
Teleqraf xəbər verir ki, bunu İran Prezidenti Məsud Pezeşkian deyib.
“İran daxilindəki birlik və həmrəyliyi qoruyub saxlayacağıq. Bu ölkə hər kəsə məxsusdur, bir qrupa və ya qruplaşmaya yox. Bir neçə nəfər ölkənin onlara məxsus olduğunu zənn etməsin. Türklər, kürdlər, lorlar, bəluclar, ərəblər və qeyri-ərəblər, məzanilər, xorasanlar, ləklər və bu ölkədə yaşayanların hamısının haqqı var, onlar bu ölkənin taleyinə şərikdirlər. Hər kəsin öz ləyaqətinə, qabiliyyətinə və gücünə əsaslanaraq qərar qəbul etmək, siyasət qurmaq və inkişaf etmək hüququ var”, - prezident qeyd edib.
