Türkiyənin xarici işlər naziri Hakan Fidan Suriyanın paytaxtı Dəməşqə səfəri çərçivəsində Suriya prezidenti Əhməd əl-Şəraa ilə görüşüb.
APA xəbər verir ki, bu haqda Türkiyənin Xarici İşlər Nazirliyi məlumat yayıb.
Görüşdə Türkiyənin Suriyanın şimal-şərqindən qaynaqlanan milli təhlükəsizlik problemlərinin, həmçinin Suriyanın ərazi bütövlüyünün və birliyinin qorunub saxlanılmasının hər zamankindən daha mühüm olduğu bir dövrdə terror təşkilatları, xüsusilə də İŞİD və PKK/YPG ilə mübarizədə iki ölkə arasında əməkdaşlıq müzakirə olunub.
"Hər dəfə səfər etdiyim zaman mən şəxsən Suriyanın müxtəlif sahələrdə əldə etdiyi nailiyyətləri müşahidə edirəm. Bu gün cənab əl-Şəraa ilə görüşdə biz bir çox məsələləri, o cümlədən ticarət, investisiya, nəqliyyat və enerji məsələlərini müzakirə etdik. Suriyanın yenidən qurulmasına yönələn potensial ikitərəfli və regional addımları qiymətləndirdik. Görüş zamanı təhlükəsizlik məsələlərinə xüsusi diqqət yetirildi. Suriyanın suverenliyinə və siyasi vahidliyinə qarşı həm daxili, həm də xarici təhdidləri müzakirə etdik", - Fidan öz “X” hesabında yazıb
***
Türkiyənin xarici işlər naziri Hakan Fidan Suriyanın keçid dövrü Prezidenti Əhməd əl-Şaraa ilə görüşüb.
Modern.az "Anadolu"ya istinadən xəbər verir ki, bu barədə Türkiyə Xarici İşlər Nazirliyindən bildirilib.
Tərəflər ikitərəfli və regional məsələləri müzakirə ediblər.
Onlar həmçinin bir çox sahədə əməkdaşlığın inkişafı barədə danışıblar.
