İsrail və Kanadalı tədqiqatçılar Cənubi Afrikadakı bir mağarada təxminən 2 milyon illik tarixi olan daş alətlərin hazırlandığına dair dəlillər aşkarladıqlarını söyləyiblər.
“Sherg.az” “Trthaber.com”a istinadən xəbər verir ki, mağara dünyanın ən qədim evlərindən biri olaraq təyin edilib.
Araşdırmalar Cənubi Afrikanın Kalahari səhrasında yerləşən və məşhur bir arxeoloji sahə olan “Wonderwerk” mağarasında aparılıb.
“İbrani Qüds” və “Toronto” Universitetindən bir qrup geoloq və arxeoloq adı yeraltı kameralar vasitəsilə insanlığın ən qədim dəlillərini tapdıqlarını bildirdilər. Arxeoloqlar həmçinin daş alətləri, heyvan qalıqları və tarixə qədərki digər həyat izlərini ehtiva edən 2,5 metr qalınlığında çöküntü qatlarını da analiz ediblər.
Afrikanın digər bölgələrində daha qədim daş alətlərə rast gəlinsə də, yeni kəşfi bənzərsiz edən açıq havada deyil, mağarada olmasıdır. Mağaranın içindəki kəşfiyyatda tapılan kül izləri vacibdir. Çünki açıq havada tapılan kül izləri təbii meşə yanğınlarının nəticəsi də ola bilər. İsrail mediası mağaranı "bəşər tarixindəki ən qədim ev" olaraq xarakterizə edib.
Elm adamları sözügedən tapıntıları Afrika qitəsində insanın təkamül sürətini anlamaq üçün əhəmiyyətli bir addım adlandırıblar.
