ABŞ-nin daxili təhlükəsizlik naziri Kristi Noem bu gün İsrailə səfərə gedir.
Teleqraf xəbər verir ki, bu barədə nazirliyin mətbuat xidməti məlumat yayıb.
Məlumata görə, Vaşinqtonda baş verən son terror aktından sonra Prezident Donald Tramp Kristi Noemdən İsrailə getməyi xahiş edib. Səfər zamanı amerikalı nazir İsrailin baş naziri Binyamin Netanyahu və terrorda zərərçəkənlərlə görüşəcək.
Amerikalı nazir İsraildən sonra Polşaya səfərə gedəcək.
Yada salaq ki, mayın 21-də ABŞ-nin İsraildəki səfirliyinin iki əməkdaşı Vaşinqtonda Yəhudi Muzeyi qarşısında öldürülüb.
