Science of the Total Environment” jurnalında dərc edilən araşdırmada “Yaşıl ərazilərin sizi daha gənc göstərmə qabiliyyətinin hüceyrələrin qocalma sürətini yavaşlatması ilə bağlı olduğu vurğulanıb".
"Sherg.az" xəbər verir ki, bunun səbəbi yaşıllıqlarda insanların fiziki və emosional gərginliyinin azalmasıdır”, - deyə bildirilib.
Araşdırmada elm adamları 8 min amerikalının sağlamlıq məlumatlarını yoxlayıb. Təcrübələr zamanı ağacların, çiçəklərin və digər bitkilərin yaxınlığında yaşayan insanların telomerlərinin daha uzun olduğu müəyyən olunub.
Telomerlər, hər bir hüceyrənin 46 xromosomunun uclarında, ayaqqabı bağındakı plastik qapaqlar kimi, DNT-nin açılmasının qarşısını alan strukturlardır. Hüceyrənin telomerləri nə qədər uzun olsa, bir o qədər çox nüsxə çıxara bilər. Telomerlər hüceyrələrin bölünməsi üçün çox qısa olduqda, hüceyrələr ölür və beləliklə bədən çökür.
Mütəxəssislər bildiriblər ki, yaşıllıqların gəncliyindən faydalanmaq üçün təbii ki, siqaret və spirtli içkilərdən uzaq olmaq lazımdır. Bundan əlavə, havanın çox çirkli olduğu ərazilərdə yaşıl sahələrin hüceyrələrin cavanlaşmasına təsiri azalır. Təmiz havası olan yerlərdə hüceyrələr yaxşı krem kimi yenilənir.
