“Gürcüstanda baş verənlər Kiyev Maydanına çox bənzəyir. Şübhə yoxdur ki, sadəcə büdcəsinin 20%-i həcmində xaricdən maliyyə alan qeyri-hökumət təşkilatlarının qeydiyyatı haqqında qanun sadəcə olaraq, güc yolu ilə hakimiyyəti dəyişmək cəhdinə başlamaq üçün bəhanə idi”.
Bakupost.az Rusiya KİV-ə istinadla xəbər verir ki, bunu Rusiya Xarici İşlər naziri Sergey Lavrov bildirib.
Xatırladaq ki, Gürcüstanda etirazlar parlamentdə “Xarici agentlər haqqında” qanunun birinci oxunuşda qəbul edilməsindən sonra başlayıb. Nümayişlər polislə toqquşmaya çevrilib.
Nəticədə qanun layihəsi parlamentdən geri götürülüb və etirazlar zamanı saxlanılanların hamısı sərbəst buraxılıb. Qeyd edək ki, oxşar qanun Rusiyada qəbul olunub.