Gürcüstanın Baş naziri İrakli Qaribaşvili Fransa Prezidenti Emmanuel Makronla görüşüb.
APA-nın Tbilisi müxbiri xəbər verir ki, məlumatı Gürcüstan hökumətinin mətbuat xidməti yayıb. Bildirilib ki, Yelisey sarayında baş tutan görüşdə Avropa Komissiyasının Gürcüstana namizəd statusunun verilməsi ilə bağlı müsbət qərarına fokuslanılıb.
Söhbət zamanı həmçinin regionda və dünyada təhlükəsizlik mühitinə toxunulub. Məlumata görə, tərəflər Gürcüstanın Cənubi Qafqazda təhlükəsizliyin və sabitliyin təmin edilməsində oynaya biləcəyi müsbət roldan danışıblar.