“Seçki prosesi qanunvericiliyə uyğun şəkildə keçirilir və iştirak edənlərin sayı çoxdur”.
APA xəbər verir ki, bu sözləri 18 saylı Nərimanov-Nizami-Binəqədi seçki dairəsi üzrə 5 və 6 saylı seçki məntəqələrində müşahidə aparan beynəlxalq müşahidəçi, Pakistan senatının üzvü Rahman Faisal Saleem deyib.
Onun sözlərinə görə, bu, ümumilikdə ölkə üçün çox yaxşı haldır: “Səsvermə prosesi öz qaydasında və şəffaf şəkildə aparılır. İnsanların seçki prosesində iştirakı üçün bütün qaydalara əməl edilir. Düşünürəm ki, səsvermə yekunlaşana qədər bu vəziyyət belə davam edəcək”.
