
Psixoloq: Sosial şəbəkənin yaşı yoxdur, lakin...
11:09 01.08.2024
Sosial
597
"Uşağınız emosiyalarını idarə etməyi və neqativlərə adekvat cavab verməyi öyrəndikdə sosial şəbəkələrdə onun üçün hesab yarada bilərsiniz".
Oxu.Az xəbər verir ki, bu barədə gazeta.ru-ya bloqerlər üçün platformanın icraçı direktoru Yekaterina Bokova məlumat verib.
Onun sözlərinə görə, uşaqlar adətən ibtidai sinifləri bitirdikdən sonra internetə çıxış əldə etmək istəyirlər.
Hər bir uşağa fərdi yanaşmaq lazımdır. Mütəxəssis izah edib ki, uşağınız emosiyalarını idarə etməyi, ünsiyyət qurmağı, stresli vəziyyətlərə və neqativlərə adekvat reaksiya verməyi öyrənənə qədər sosial şəbəkələrə girişi təxirə salmalmaq lazımdır.
Ekspert qeyd edib ki, uşaq sosial siqnalları başa düşməlidir. Ona internetdə hesab yaratmazdan əvvəl internetdə necə davranmalı olduğunu izah etmək lazımdır. Bundan əlavə, uşağınızın onlayn ünsiyyətə çox vaxt sərf etməməsinə nəzarət etmək vacibdir, bunun üçün o, məşğələlərə, gəzintilərə və müxtəlif tədbirlərə getməlidir. Mütəxəssis vurğulayıb ki, uşağa kiberbullinq barədə xəbərdarlıq etmək daha yaxşıdır.
"Heç kimin başqa şəxsi təhqir etməyə, qorxutmağa və ya alçaltmağa haqqı olmadığını və bu onun başına gələrsə, əminliklə cavab verməli və ya cinayətkara tamamilə məhəl qoymamalı olduğunu izah edin", - Bokova əlavə edib.
Azyaşlı uşaqların sosial şəbəkələrdən istifadə etdiyinin və öz hesabı olduğunun şahidi oluruq. Bəs uşaqlar nə vaxt və neçə yaşdan sonra sosial şəbəkələrdə hesablar yarada bilərlər?
Mövzuya münasibət bildirən psixoloq-konsultant Zeynəb Əyyubova isə "Sherg.az"a bildirib ki, sosial şəbəkənin yaşı yoxdur:

“Sadəcə sosial şəbəkədən istifadə edən uşaqlar nəyə baxmağa icazəsi olduğunu bilməlidir. Valideynlər bacarırsa, 13 yaşına kimi uşaqlara telefon verməsin. Əgər telefon verirsə, sosial şəbəkələrdən uzaq tutsunlar. Pandemiya dövründə online təhsil sistemi ölkəyə gəldikdən sonra valideynlər məcburiyyət qarşısında övladlarına telefon aldı. Bununla da hər bir uşağın şəxsi telefonu oldu. Sözügedən dönəmdən sonra isə valideynlər uşaqlardan telefonları geri ala bilmədilər. Digər tərəfdən hazırda çox gözəl proqramlar var. Bununla valideynlər sosial şəbəkələr və oyunlardan istifadəyə vaxt məhdudiyyəti qoya bilir. Ümumiyyətlə sosial şəbəkə hesabı uşağaın nə paylaşdığına ata və ana nəzarət etməlidir. Əgər ata və ananın nəzarəti uşağın üzərində olsa, hər şey daha gözəl olar”.
Oxşar xəbərlər
Xəbər lenti
Hamısına bax
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm