
Azər Allahverənov: Rusiyanın miqrasiya qanunvericiliyində sərtləşdirilmə meyilləri hiss olunur
12:10 01.08.2024
Cəmiyyət
844
Dövlət Duması Rusiya vətəndaşlığını qəbul edən əcnəbilər üçün məcburi hərbi xidmət haqqında qanun qəbul edib.
Axar.az xəbər verir ki, bu barədə RİA Novosti məlumat yayıb.
Qanuna əsasən, hərbi komissarlıqlarda ilkin qeydiyyat öhdəliyini yerinə yetirməyənlər Rusiya vətəndaşlığından məhrum edilə bilər.
"Avrasiya Miqrasiya Təşəbbüsləri Platforması" ictimai birliyinin sədri və Miqrasiya Əməkdaşlıq Platformasının rəhbəri Azər Allahverənov “Sherg.az”a bildirib ki, Rusiyanın miqrasiya qanunvericiliyində istənilən dəyişiklik ölkə ərazisində olan miqrantların aqibətinə təsir edir:

“Son bir neçə ay ərzində, xüsusən də Crocus City-də baş verən terror hadisəsindən sonra Rusiyanın miqrasiya qanunvericiliyində sərtləşdirilmə meyilləri hiss olunmaqdadır. Hətta bir sıra qanun layihələri müzakirəyə çıxarılaraq qəbul olunub. Qəbul edilmiş qanunların tələblərindən irəli gələrək isə ölkə ərazisində miqrantların qalması ilə bağlı müəyyən çətinliklər yaranmağa başlayıb. Əvvvəllər Rusiya Vətəndaşlığın əldə olunması ilə bağlı müəyyən liberal qaydaların tətbiq olunmasına maraqlı olsa da, Ukrayna müharibəsindən sonra yumşalmanın olduğunun şahidi olduq. Bu müddət ərzində də kifayət qədər insan Rusiya vətəndaşlığını qəbul etdi. 2022-ci ilin statistikasına görə 500 minə yaxın şəxsi Rusiya vətəndaşlığını əldə edib. Onların içərisində də 23 min nəfər məhz Azərbaycan vətəndaşları olub. 2006-2007-ci illərdə 4-5 min Azərbaycan vətəndaşı Rusiya vətəndaşlığını əldə edirdisə, 2017-2018-ci ildən etibarən bu şəxslərin sayının kəskin artdığının şahidi oluruq. Bu vətəndaşlardan hər biri hərbi uçota durmur. Rusiyanın qanunvericiliyində isə hər kəsin hərbi uçota durması mütləqdir. Digər tərəfdən Rusiya-Ukrayna müharibəsinin də bu məsələyə müəyyən dərəcədə təsiri var. Rusiyada bir neçə dəfə səfərbərlik həyata keçirilib. Ən son səfərbərlik 2022-ci ilin sentyabr ayında olmuşdu. Rusiyanın müvafiq strukturları bu məsələ ilə bağlı araşdırma apararaq şahidi olublar ki, il ərzində yüzminlərlə şəxs Rusiya vətəndaşlığını qəbul edir. Onların bir qismi çağırışçı yaşında olanlardır. Çağırışçı yaşında olmayan şəxslərdə mütləq hərbi uçota durmalıdırlar. Hərbi uçota durduğu halda Rusiya-Ukrayna müharibəsi fonunda ehtiyyatda olan şəxslərlə bağlı müəyyən qərarlar qəbul edə bilərlər. Yeni şəxslərin silahlı qüvvələrə xidmət keçməsi üçün çağırılmasına ehtiyyac yaranır. Bunun müəyyən bir qismi əcnəbilərin hesabına ola bilər. Hərbi uçot olmadığı təqdirdə isə onlar vətəndaşlıqdan çıxarılacaqlar. Qanun hamı üçün qanundur. Ola bilər ki, həmin şəxslərlə bağlı başqa sanksiyalar tətbiq edilsin. Qanunda ayrıseçkilik elementləri yoxdur. Qanun qüvvəyə mindikdən sonra tətbiqi ilə bağlı müəyyən məsələlər ortaya çıxacaq. Həmin vaxt da adiyyatı dövlət qurumları müəyyən statistik rəqəmləri təqdim edərlər ki, bizdə ümumi vəziyyətin nədən ibarət olduğunu deyə bilərik”.
Oxşar xəbərlər
Xəbər lenti
Hamısına bax
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm