İstanbul Böyükşəhər Bələdiyyəsinin vəzifəsindən uzaqlaşdırılmış sədri Əkrəm İmamoğlu keçmiş Tuzla bələdiyyə sədri Şadi Yazıcıya qarşı ifadələri ilə bağlı məhkəmə işində “dövlət qulluqçusunu açıq şəkildə təhqir etmək” ittihamı üzrə 2 il 1 ay müddətinə azadlıqdan məhrum edilib.
Sherg.az xəbər verir ki, məhkəmə əvvəlcə İmamoğlu barəsində 2 il 6 ay həbs cəzası müəyyən edib, daha sonra təqdirəlayiq endirim tətbiq edilərək cəzanı 2 il 1 aya endirib.
Məhkəmə, həmçinin İmamoğlunun Türkiyə Cinayət Məcəlləsinin 53/5-ci maddəsində nəzərdə tutulan müəyyən hüquqlardan məhrum edilməsinə qərar verib.
İmamoğlu isə çıxışında ittihamı qəbul etməyib, Yazıcıya qarşı ifadələrinin siyasi tənqid xarakteri daşıdığını bildirib. Onun vəkilləri bəraət tələb edib.
