Türkiyə Prezidenti Rəcəb Tayyib Ərdoğan Çinin "People’s Daily" qəzetində dərc olunan “sülh və ədalət üçün ortaq yol” adlı məqaləsində Türkiyənin xarici siyasətdəki əsas mövqelərinə diqqət çəkib.
Sherg.az xəbər verir ki, Ərdoğan yazısında Rusya-Ukrayna müharibəsi, İsrailin Qəzzaya hücumları və Çinlə münasibətlərə toxunub. O, “Qəzza məsələsində Türkiyənin mövqeyi aydındır; çünki siyasətimizin mərkəzində insan və insan haqları var” deyə bildirib.
Ərdoğan:
Rusiya-Ukrayna müharibəsi: Türkiyə taxıl dəhlizi və əsir mübadiləsi kimi təşəbbüslərlə kritik rol oynayıb, İstanbulda sülh danışıqlarına ev sahibliyi edib. “Savaşın qazananı, ədalətli sülhün itirəni olmaz” ifadəsini vurğulayıb.
Qəzza: İsrailin işğal və qətliamlarını “soyqırımın ən açıq nümunəsi” adlandırıb, sivil əhalinin qorunması, humanitar yardıma çıxış və daimi atəşkəs üçün Türkiyənin fəaliyyətini davam etdirdiyini bildirib. Ərdoğana görə, 1967 sərhədləri əsasında paytaxtı Şərqi Qüds olan müstəqil Fələstin dövləti bölgədə daimi sülhün yeganə təminatıdır.
Çinlə əlaqələr:Türkiyə-Çin münasibətlərinin qədim tarixi olduğunu, əməkdaşlığın qarşılıqlı hörmət və “qazan-qazan” prinsipi əsasında daha da dərinləşdiriləcəyini qeyd edib. Şanxay Əməkdaşlıq Təşkilatı Zirvəsində iki ölkə arasında münasibətlərin gücləndirilməsi üçün Prezident Si Cinpinlə görüşəcəyini açıqlayıb.
Ərdoğan məqaləsini belə yekunlaşdırıb: “Türkiyə olaraq məsuliyyət üstlənməyə, dialoq kanallarını açıq saxlamağa və daha ədalətli bir dünya qurmaq üçün çalışmağa davam edəcəyik.”
