Türkiyə xarici işlər naziri Hakan Fidan bu gün İsveçin xarici işlər naziri Tobias Billström ilə telefon danışığı aparıb.
APA-nın Türkiyə müxbirinin verdiyi xəbərə görə, bu barədə diplomatik mənbələr bildirib.
Danışıqlar zamanı İsveçin NATO-ya üzvlük prosesi, Türkiyə-İsveç-Finlandiya Daimi Müştərək Mexanizmin bundan sonra keçiriləcək iclaslarına hazırlıq və Türkiyə-Aİ əlaqələri müzakirə edilib.
