“Qara dənizə “çıxış qapısı” və mühüm regional mərkəz rolunu oynayan Acarıstan üçün Azərbaycanla dostluq və peşəkar əlaqələrin möhkəmləndirilməsi xüsusi əhəmiyyət kəsb edir”.
APA-nın yerli bürosu xəbər verir ki, bunu Gürcüstanın Acarıstan Muxtar Respublikasının hökumət başçısı Zurab Pataradze Azərbaycanın Konstitusiya Məhkəməsinin sədri Fərhad Abdullayevlə keçirdiyi görüşdə deyib.
Onun sözlərinə görə, Gürcüstanla Azərbaycan arasındakı strateji tərəfdaşlıq və əsrlərə söykənən dostluq əlaqələri ikitərəfli əməkdaşlığın möhkəmləndirilməsi üçün möhkəm təməl yaradır.
Zurab Pataradze bu kontekstdə qardaş şəhərlər arasındakı əlaqələrin möhkəmləndirilməsinin vacibliyini vurğulayıb, bu əlaqələrin mühüm layihələrin həyata keçirilməsinə töhfə verəcəyinə əminliyini ifadə edib.
Hökumət başçısı görüş zamanı ikitərəfli münasibətlərin əsas aspektlərininin və tərəfdaşlığın genişləndirilməsi perspektivlərinin müzakirə olunduğunu vurğulayıb.
