Sivasın Ulaş rayonunda 4,4 bal gücündə zəlzələ baş verib.
Sherg.az xəbər verir ki, Türkiyə Fövqəladə Halların İdarə Olunması Agentliyindən (AFAD) verilən məlumata görə, saat 23.30 radələrində Sivasın Ulaş rayonunda 4,4 bal gücündə zəlzələ baş verib.
Zəlzələnin yerin 8,41 kilometr dərinliyində baş verdiyi müəyyən edilib.
Təkanlar bölgədə yüngül hiss olunub.
Şəhər mərkəzində və bəzi rayonlarda hiss olunan zəlzələ səbəbindən vətəndaşlar qısa müddətli təşviş yaşayıb.
Sivas Qubernatorluğundan zəlzələ ilə bağlı yayılan açıqlamada deyilir: "Şəhərimizin Ulaş rayonunda 4,4 bal gücündə zəlzələ baş verdi. AFAD və digər əlaqədar qurumlar çöl tarama işlərinə başladı. Zəlzələdən narahatlıq keçirən bütün vətəndaşlarımıza keçmiş olsun deyirik".
