Bu il 13–24 may tarixlərində keçiriləcək Kann Film Festivalında məşhur aktrisa Birce Akalay da iştirak edəcək.
Sherg.az xəbər verir ki, 78-ci dəfə təşkil olunan Kann Film Festivalı 13 mayda rəsmi olaraq başlayır. Festivalda münsiflər heyətinə fransız aktrisa Juliette Binoche rəhbərlik edəcək. Tədbirə bir çox tanınmış Hollivud ulduzları qatılacaq.
Birsen Altuntaşın verdiyi xəbərə görə, Birce Akalay bu il də Kann Film Festivalında iştirak edəcək. Bildirilir ki, o, 13 may tarixində qırmızı xalçada yer alacaq və festival çərçivəsində keçiriləcək tədbirlərə qatılacaq.
Ötən il Birce Akalay 77-ci Kann Film Festivalında Özgür Masurun dizayn etdiyi geyimi ilə diqqət çəkmişdi.
Keçən il Meryem Üzerli, Pınar Dəniz, Mert Fırat və bir çox məşhur sima da festivala qatılaraq zərif geyimləri ilə bəyənilmişdilər.
Festivalın builki iştirakçıları arasında Jodie Foster, Paul Mescal, Joaquin Phoenix, Emma Stone, Tom Hanks, Benedict Cumberbatch və Scarlett Johansson kimi tanınmış aktyorlar da qırmızı xalçada görünəcəklər.
Münsiflər heyətində Halle Berry, Payal Kapadia, Alba Rohrwacher, Leïla Slimani, Dieudo Hamadi, Hong Sangsoo, Carlos Reygadas və Jeremy Strong kimi nüfuzlu adlar yer alır.
