“All Star 2024” heyətinə sonradan daxil edilən Səma Aydemir Pınar Saka ilə davasına görə yarışdan diskvalifikasiya edilərək “Survivor” macərasına son vermişdi.
Sherg.az xəbər verir ki, Adanı tərk edən sonuncu şəxs Pınar Saka olub.
14 mart 2024-cü il, cümə axşamı axşam saatlarında yayımlanan “Survivor All Star”ın yeni bölümündə ələmə duelindəki 4 iştirakçıdan biri olan Pınar da “Survivor” xəyalları ilə vidalaşdı.
Aysu ilə yarışan Pınar Saka yarışı uduzaraq “Survivor All Stardan” kənarlaşdırılıb. Onun “Survivor”la vidalaşması da sosial mediada trend mövzusuna çevrilib.
Qeyd edək ki, “Survivor All Star 2024”ün heyətinə sonradan daxil olan və qırmızılı komandada yarışan Səma Aydemir Pınarla dava etmişdi. Səma Pınarla fiziki təmasda olduğu üçün “Survivor”dan diskvalifikasiya olunub. Səmanın diskvalifikasiyası “Survivor” tamaşaçılarını da çox üzüb.
İndi isə Pınarın mübarizədən kənarlaşdırıldığını görən Səma Aydemir sosial media hesabında ardıcıl paylaşımlar edib. İlk paylaşımında halay rəqsi çəkdirdiyi videosunu yerləşdirən Səma Aydemir həm rəqs edib, həm də halay oynayıb.
Bu videodan sonra Səma Aydemirdən daha bir paylaşım gəlib. İllər əvvəl yayımlanan "Möhtəşəm Yüzyıl" serialından bir bölüm də daxil edən Səma videonu Hürrəm Sultan obrazının "Allaha şükür. Bismillah" sözləri ilə paylaşıb.
