Bu gün “Şərq Tv”-nin “Düzünü deyək” verilişinin növbəti qonağı təhsil eksperti Elçin Əfəndi olub.
O, abituriyentlərə müəyyən tövsiyələr verib:
“Oradakı atmosferlə tanış olmaq üçün abituriyentlərin bir gün əvvəldən məktəbə getmələri, ətrafda gəzmələri yaxşı olar. Bildiyiniz kimi, imtahan verənlər iki saat əvvəlcədən binanın həyətində olmalıdırlar.
Bir çox hallarda qohum-qonşu da onlarda gedir. Beləliklə, iki saat müddətində verilən suallar abituriyenti daha da həyəcanlandırır. Belə hallara yol vermək olmaz. İmtahana 3-4 saat qalmış kitab oxumağı məsləhət görmürəm.
Axşam təmiz havada gəzmək, fiziki hərəkət etmək lazımdır ki, yaxşı yata biləsən. Belə ki, bir çox hallarda həyəcan abituriyenti yatmağa qoymur və imtahan zamanı beyin “bloklanır”.
İmtahana rahat geyimdə, məsələn, idman formasında getmək daha yaxşıdır”.
