İnsan damarlarının şəklinə görə distant tanınma sistemi hazırlanıb


İnsan damarlarının şəklinə görə distant tanınma sistemi hazırlanıb. Çin tədqiqatçıları damarların unikal şəklinə görə insanların məsafədən tanınması texnologiyasını hazırlayıblar. Onlar hesab edirlər ki, yeni texnologiya gələcəkdə QR kod və sifətə görə eyniləşdirməni əvəz edə biləcək.

Milli.Az chip.az-a istinadən bildirir ki, "AirWave" adlandırılan texnologiya süni intellektə əsaslanır. O, böyük vena damarları və kapilyarların yerləşməsini ayırd etməyə imkan verir. İdentifikasiya üçün istifadəçinin yalnız əlini yelləməsi kifayətdir.

"Melux" şirkətinin banisi Se Sinlu bildirib: "Dərinin altında yerləşən damar və kapilyarlar meqapolisdə yerləşən yol sistemi kimi unikal və mürəkkəbdir".

İstehsalçının sözlərinə görə, onların texnologiyası Çinin cənubunda yerləşən Quandun əyalətindəki bəzi kafe və hökumət idarələrinin ayrı-ayrı ictimai zonalarında tətbiq olunur. Hazırda şirkət "AirWave" texnologiyasının metroda tətbiqi üçün Quancjou metropoliteninin operatoru ilə danışıqlar aparır.

Şirkət direktoru qeyd edib ki, bu kimi texnologiyalar gələcəkdə nağd ödənişlər, bank kartları və QR-kodları əvəz edərək maliyyə, ictimai nəqliyyat və ictimai təhlükəsizlik kimi sahələrdə geniş tətbiq ediləcək.